СЕ ПОТПИША АКАДЕМСКИ ПРОТОКОЛ ЗА СОРАБОТКА ПОМЕЃУ ВИЗИОН И УНИВЕРЗИТЕТОТ „ГАЗИ“

Потпишан е протокол „Образовано-научна, академска и културна соработка“ помеѓу Меѓународниот универзитет „Визион“  и Универзитетот „Гази“. На церемонијата на потпишувањето што се одржа на Универзитетот „Гази“ присуствуваа ректорот на Меѓународниот универзитет „Визион“ проф. д-р Ахмет Веџди Џан, проректорите проф. д-р Менсур Нуредин и проф. д-р Абдулмеџит Нуредин, претседателот на фондацијата „Шар Вардар“, г. Мефаил Реџеп, ректорот на Универзитетот „Гази“ проф. д-р Муса Јилдиз, проректорите проф. д-р Јуџел Гелишли, проф. д-р Рамазан Бајиндир, ректорските советници проф. д-р Халил Ибрахим Булбул, доц. д-р Темел Чакироглу, координаторот за социјални прашања и општествен придонес проф. д-р Селами Џандан, директор на Институтот за природни науки доц. д-р Угур Ѓокмен, генералниот секретар Рагип Акјурук, замениците на генералниот секретар Мехмет Али Озкан и Ајхан Селчук.

Воведниот говор на протоколарната церемонија го имаше ректорот на Универзитетот „Гази“ проф. д-р Муса Јилдиз, кој рече: „Денес ќе потпишеме нова соработка со многу важен универзитет“. Ректорот проф. д-р Муса Јилдиз изјави дека во 2023 година имплементирале многу смислен протокол, кој се совпаѓа со основањето на турската република и дека со оваа соработка ќе спроведат значајни активности. Со надеж дека протоколот ќе биде корисен, ректорот проф. д-р Муса Јилдиз својот говор го заврши со благодарност до оние кои придонесоа за организација на церемонијата.

Ректорот на Меѓународниот универзитет „Визион“ проф. д-р Ахмет Веџди Џан го започна својот говор информирајќи дека Меѓународниот универзитет „Визион“ обезбедува образование на турски јазик. Наведувајќи дека Универзитетот „Гази“ е универзитет познат во целиот свет, ректорот на Меѓународниот универзитет „Визион“ проф. д-р Ахмет Веџди Џан рече: „За нас е многу важно да имаме ваква академска соработка со Универзитетот „Гази“. За гостопримство и пруженото пријателство, би сакал многу да му се заблагодарам ректорот на Универзитетот „Гази“ проф. д-р Муса Јилдиз. На тој начин го заврши својот говор.

Церемонијата заврши со групна фотографија направена по потпишувањето на протоколот.