ПО ПОВОД 12. ГОДИШНОТО ОСНОВАЊЕ НА УНИВЕЗИТЕТОТ ВИЗИОН СЕ ПРОМОВИРАА 9 НОВИ АКАДЕМСКИ УЧЕБНИЦИ

21 Декември, кој во Северна Македонија се одбележува како Празник на наставата на турски јазик, беше прославен со значајна академска програма организирана на Меѓународниот Универзитет Визион. Настанот, кој воедно беше одржан и по повод 12-годишнината од основањето на универзитетот, беше исполнет со важни моменти од аспект на академската продукција и институционалниот развој.

Програмата започна со воведно обраќање на ректорот на Меѓународниот Универзитет Визион, проф. д-р Ахмет Веџди ЏАН. Во своето обраќање тој ја истакна важноста на традицијата на академско издаваштво, започната во 2021 година под водство на основачкиот ректор проф. д-р Фадил ХОЏА, и нејзиниот придонес кон научниот идентитет на универзитетот.

Во рамките на настанот беа промовирани 9 академски учебници подготвени од универзитетските професори. Делата, објавени во областите на правото, инженерството, медицината и општествените науки, ја покажаа мултидисциплинарната академска продукциска моќ на универзитетот. Промовираните книги и академиците кои ги презентираа се следниве:

1. Меѓународно јавно право
   Автор: проф. д-р Абдулмеџит НУРЕДИН
   Промоција: доц. д-р Азам ЌОРБАЈРАМ
2. Компаративно граѓанско процесно право – Книга II
   Автор: доц. д-р Дијана ЃОРЃИЕВА
   Промоција: проф. д-р Јордан ДЕЛЕВ
3. Scientific Methodology (Научна методологија)
   Автор: проф. д-р Цветанка ВЕЛКОСКА
   Промоција: проф. д-р Абдулмеџит НУРЕДИН
4. Композитни материјали
   Автор: проф. д-р Ајше АРИЏИ
   Промоција: проф. д-р Бариш ЈИЛМАЗ
5. Психологија на уметноста
   Автори: проф. д-р Атила КЛИНЏЕ – доц. д-р Хавва ШАБАН
   Промоција: проф. д-р Муса МУСАИ
6. Вградени системи
   Автор: доц. д-р Фехми СКЕНДЕР
   Промоција: проф. д-р Ашкин ДЕМИРКОЛ
7. Општа хирургија и сестринска нега
   Автор: проф. д-р Аднан ВРАЈНКО
   Промоција: д-р Бејџан ИЛЈАС
8. Структурно програмирање
   Автор: доц. д-р Илкер АЛИ
   Промоција: проф. д-р Ајбејан СЕЛИМ
9. Анализа на Диванот на Ускупли Исхак Челеби (дел Газелијат)
   Автор: проф. д-р Фадил ХОЏА
   Промоција: проф. д-р Менсур НУРЕДИН

По промоцијата на академските книги, беше одржана свеченост за доделување на академски унапредувања за 2025 година на наставниот кадар. Ректорот проф. д-р Ахмет Веџди ЏАН соопшти дека 3 наставници се унапредени во звање вонреден професор, а 7 во звање доцент.

На програмата присуствуваа: пратеникот на РСМ–ТДП д-р Бејџан ИЛЈАС, претседателот на ТМБХ Ердоган САРАЧ, аташето Мутлу КАРАЏА како претставник на Амбасадата на Република Турција во Скопје, членот на Уставниот суд на Северна Македонија Фатмир СКЕНДЕР, политички претставници, директори на средни и на основни училишта, претставници на издавачки куќи и медиуми, како и бројни гости.