УНИВЕРЗИТЕТОТ ВИЗИОН ПОТПИША МЕЃУНАРОДНА -АКАДЕМСКА СОРАБОТКА СО УНИВЕРЗИТЕТИТЕ ОД КАЗАХСТАН

Меѓународниот Универзитет Визион, по покана на Министерството за образование на Казахстан, оствари низа средби во Алмати и Астана. Делегацијата учествуваше и на Меѓународниот образовен саем во Астана, а притоа потпиша протоколи за програми за двојни дипломи со повеќе државни универзитети во Алмати и Астана.

Во овој контекст, беа посетени Ал-Фараби Националниот Универзитет, кој се наоѓа на 166. место меѓу најпрестижните универзитети во светот, и Л.Н. Гумилев  Евроазиски Национален Универзитет, рангиран на 370. место, како и Универзитетот „Нархоз“, Универзитетот „Туран“ и Асфендияров Казахскиот Национален Медицински Универзитет, при што со повеќето од нив беа потпишани протоколи за соработка за програми со двојни дипломи.

Овие договори предвидуваат спроведување заеднички истражувања, размена на академски кадар и студенти, партнерство во научни публикувања и соработка на меѓународни конференции. Беше истакнато дека овие контакти ќе ја зајакнат глобалната академска мрежа на Меѓународниот Универзитет Визион и ќе придонесат значајно кон научната продуктивност.

Делегацијата на Меѓународниот Универзитет Визион која ги посети научните институции во Казахстан беше претставувана од проф. д-р Ахмет Веџди ЏАН – Ректор, проф. д-р Фадил ХОЏА – Основач и прв Ректор, и проф. д-р Абдeлмeџит НУРЕДИН – Проректор

Треба да се истакне и фактот дека посетата на делегацијата на Меѓународниот Универзитет Визион на универзитетите во Казакхстан е прва посета на некој универзитет на Р.С. Македонија на универзитетите на Казакхстан